Rimjhim ki khan khan boondon mein

Doorwa ke hare galiyaron mein

tum cham cham karti aati ho

aur is cham cham aur chan chan se

unchuye taar ched jati ho

boondon ki khanak bijli ki kadak

aur meghon ke garjan se

ik saman aisa bandh jata hai

tujhko paane ki chah mein man

yah tadap tadap kar gata hai

mere dil ki malika tu hi bata

kaise tera satkar karun

trashit hriday tripti paaye

kya aisa abhyas karoon

tere kajarare naino ki

wah kashish nahin main bhula hoon

chal chal karti un aankhon ki

viraha ko nahin main bhula hoon

main lautunga priye dheeraj dharna

sukhe chahe waqt ka jharna

antkaal ke antim chad mein bhi

tum mera intazaar karna