Tere aane ki aahat se   

Hum dwar pe deep jala baithe   

chanchal nadiya ki lahron se    

man mein hain prem ke bhav uthe  

jhapki mein tere sapnon ki   

hum dil se aas laga baithe   

tere aane ki aahat se   

hum dwar pe deep jala baithe   

sindoori shamon ki laali     

chayi yun tere gaalon par    

mukhade ko suraj samajh ke hum    

palkein apni jhapka baithe    

tere aane ki aahat se    

hum dwar pe deep jala baithe   

kajrari ankhiyon mein teri  

ik jheel ki gahrai dekhi   

lahrate us prem sindhu mein   

hum apni naav dubo baithe   

 tere aane ki aahat se  

hum dwar pe deep jala baithe 

gujari jo tere saath sanam   

us shaam ke har lamhe ki kasam  

har pal jisme tum saath rahe   

hum apni sudh budh kho baithe   

tere aane ki aahat se

hum dwar pe deep jala baithe